2023 йилда «Милан»дан «Аталанта»га ўтиш Шарль де Кетеларега ўз обрўсини ва Италия чемпионатидаги келажагини сақлаб қолиш имконини берди. Эндиликда у ўз келажагини фақат ҳозирги клуби билан боғламоқда ва жамоа билан 2028 йилгача мўлжалланган шартномага эга. Бироқ, де Кетеларенинг тушунтиришича, гап фақат шартнома мажбуриятларида эмас.

«Мен бу ерда, «Аталанта»да бахтлиман. Менимча, клуб билан узоқ муддатли шартномам бор. Баъзида бор нарсани қадрлашни ва унга маҳкам боғланишни билиш керак», — дея бельгиялик футболчининг сўзларини pianetamilan.it нашри келтирмоқда.

Қайд этиш лозимки, «Аталанта» айни дамда Италия А Серияси турнир жадвалида еттинчи ўринни эгаллаб турибди.