Руминия терма жамоаси бош мураббийи Мирча Луческу юрак хуружини (инфаркт) бошдан кечиргани ҳақидаги маълумотларни рад этди.
Мутахассиснинг сўзларига кўра, миллий жамоа машғулоти пайтида унда фибрилляция (юрак ритмининг бузилиши) юзага келган. Луческу бу унинг фаолиятидаги учинчи ҳолат эканлигини қўшимча қилди.
«Ҳозир аҳволим яхши. Туркия билан ўйинни таҳлил қилишни бошлаганимда жуда қаттиқ ғазабландим, ваҳоланки ўша баҳсдан бери уч кун ўтган эди. Ана шу асабий зўриқиш туфайли ўзимни ёмон ҳис қилдим», — дея Луческунинг сўзларини Golazo нашри келтирмоқда.
У нафас олишда қийинчиликка дуч келган, бироқ юрак тўхташи содир бўлмаган. Яқин орада Луческу бир қатор тиббий кўририклардан ўтиши керак. У руминларнинг Словакияга қарши сафардаги ўртоқлик учрашувини ўтказиб юборади.
Эслатиб ўтамиз, 80 ёшли мутахассис кеча машғулот пайтида ҳушидан кетган ва зудлик билан шифохонага ётқизилган эди.
