Лондоннинг «Арсенал» клуби «Комо»нинг аргентиналик ярим ҳимоячиси Нико Пасни ўз сафига қўшиб олишга қизиқиш билдирди. Бу ҳақда Goal портали хабар бермоқда.
«Тўпчилар» футболчи билан шартнома имзолашни исташган эди, бироқ ўйинчининг рад жавобини олишди. Ярим ҳимоячи ўз ҳозирги клубида қолишни ёки Мадриднинг «Реал» клубига қайтишни хоҳламоқда.
21 ёшли хавбек Италия жамоаси сафида 2024 йилнинг августидан буён тўп суриб келмоқда. Нико ва «Комо» ўртасидаги амалдаги меҳнат шартномаси 2028 йил июнь ойи охиригача мўлжалланган. Футболчининг бозор қиймати 65 миллион еврони ташкил этади.
Серия Анинг жорий мавсумида Пас 29 та ўйинда майдонга тушиб, ўнта гол урди ва олтита голли узатмани амалга оширди.
