«Барселона» вингери Рафинья Бразилия терма жамоаси ихтиёрида бўлган вақтида жароҳат олди. Ушбу жароҳат анча жиддий бўлиб чиқди — 29 ёшли футболчининг тикланиши учун тахминан беш ҳафта вақт талаб этилади. Бу ҳақда каталонияликлар клуби бир неча кун аввал эълон қилган эди.
Mundo Deportivo нашрининг хабар беришича, агар ҳаммаси кўнгилдагидек кечса, Рафинья тикланиши ва «Реал»га қарши кечадиган «эл-класико»да иштирок этиши керак. Испан футболи грандлари ўртасидаги ушбу баҳс 10 май куни «Камп Ноу» стадионида бўлиб ўтади.
Ҳозирда «Барселона» 73 очко билан Испания чемпионати турнир жадвалида пешқадамлик қилмоқда. «Реал» эса бироз ортда қолмоқда — мадридликлар ҳисобида 69 очко бор. Олдинда яна тўққизта тур мавжуд.
