«Тоттенхэм»нинг собиқ бош мураббийи Маурисио Почеттино жамоа Англия Премьер-лигасида ўз ўрнини сақлаб қолишига ишонч билдирди.
«Янги мураббий биланми ёки усизми, улар Премьер-лигада қолишига аминман. Бу аввало футболчилар туфайли, чунки уларда ажойиб ижрочилар бор. Қолаверса, бу клубнинг мухлислари ғалаба учун керакли энергияни яратишда бор имкониятларини ишга соладилар. Албатта, бу осон бўлмайди... Лекин агар мендан ушбу клуб ҳақида сўрасангиз, у мен учун жуда қадрли ва мен уларнинг элитада қолишига шубҳа қилмайман», — дея Почеттинонинг сўзларидан иқтибос келтирмоқда The Guardian.
Эслатиб ўтамиз, яқинда «Тоттенхэм» Томас Франк истеъфосидан сўнг жамоани бор-йўғи 43 кун бошқарган Игор Тудор билан хайрлашган эди. Айни дамда «шпорлар» Англия чемпионати турнир жадвалида 30 очко билан 17-ўринни эгаллаб турибди. Хавфли ҳудуддан (релегация зонаси) уларни атиги бир очко ажратиб турибди.
