"Ньюкасл" бош директори Дэвид Хопкинсон клуб яқин орада жамоа бош мураббийи Эдди Хауни истеъфога чиқариш ниятида эмаслигини маълум қилди.
Айни дамда жамоа АПЛ турнир жадвалида 31 ўйиндан сўнг 42 очко жамғариб, 12-ўринда бормоқда.
"Мен фақат бир нарсани айта оламан: дербида ("Сандерленд"га қарши 1:2) учраган мағлубиятимиз жуда оғриқли бўлди. Ҳеч биримиз: "Ҳечқиси йўқ, бу шунчаки уч очко эди, олдинга интилишда давом этамиз", деб ўйлаётганимиз йўқ.
Яқинда Эдди билан тушлик устида бир неча соат вақт ўтказдик ва кўплаб масалаларни муҳокама қилдик.
Эдди — бизнинг мураббийимиз. Мавсум якунигача ажойиб натижа қайд этишимизга умид қиламан ва вақти келганда келажак ҳақида гаплашиб оламиз. Ҳозирда бор эътиборимизни ушбу мавсумдаги мусобақаларга қаратганмиз", — деди Дэвид Хопкинсон.
