"Скуадра Адзурра" устози Женнаро Гаттузо Босния ва Герцеговинага қарши муҳим ўйин олдидан матбуот билан суҳбатлашди. 31 март оқшомида Италия ушбу жамоа билан Жаҳон чемпионати йўлланмаси учун курашади.
"Босния — юқори савияли, жисмоний жиҳатдан бақувват ва курашишни биладиган жамоа. Улар ҳужумга ўтганда, буни ҳис қиласан. Айниқса, қанотларда. Бу жамоа сенга ҳар доим муаммо туғдира олади", — дея Гаттузонинг сўзларини келтиради УЕФА расмий сайти.
Италиялик мутахассис, шунингдек, унинг шогирдлари рақибга нисбатан тегишли ҳурмат билан ёндашаётганини таъкидлади ва жамоасида орзу қилинган мақсад — 2014 йилдан бери илк бор турнирга йўл олиш учун барча имкониятлар мавжудлигини қайд этди.
Эслатиб ўтамиз, Клеман Тюрпен бошчилигидаги француз ҳакамлар бригадаси бошқарадиган ушбу ўйин Тошкент вақти билан тунги соат 23:45 да бошланади.
