Швеция терма жамоаси бош мураббийи Грэм Поттер Жаҳон чемпионати — 2026 саралашининг плей-офф босқичида Польша устидан қозонилган ғалабани (3:2) изоҳлади.
«Ақл бовар қилмайдиган оқшом. Буларнинг барчасининг бир қисми бўлиш — шунчаки ҳайратланарли! Бу катта шараф ва беқиёс тажриба. Жамоа учун жуда хурсандман. Қийин бўлди, лекин йигитлар билан фахрланаман. Драматик ўйин гувоҳи бўлдик, ҳиссиётларни ва тикилган мақсаднинг аҳамиятини назорат қилиш жуда мушкул эди.
Биз жамоани бирлаштиришимиз керак эди. Таркибда иқтидорли ўйинчилар кўп, лекин айниқса халқаро миқёсда фақат истеъдоднинг ўзи етарли эмас. Биз жамоани ягона бутунликка айлантиришимиз ва мустаҳкам пойдевор яратишимиз шарт эди. Ўйлайманки, якунда ҳаммаси жамоавийликка ва майдонда бир-биримиз учун қандай курашганимизга бориб тақалди», — дея Поттернинг сўзларини УЕФА расмий сайти келтирмоқда.
Швеция терма жамоаси ЖЧ-2026 турнирида Нидерландия, Япония ва Тунис билан биргаликда «F» гуруҳида иштирок этади.
