Хосеп Гвардиола 2025/2026 йилги мавсум якунида «Манчестер Сити» бош мураббийи лавозимини тарк этиши эҳтимоли жуда юқори. Бу ҳақда Transfer News Live нашри L’Equipe маълумотларига таяниб хабар бермоқда.
Гвардиола кетганидан сўнг «Манчестер Сити» бошқаруви учун асосий номзод сифатида Энцо Мареска кўрилмоқда. Ушбу мутахассис 1 январь куни «Челси»дан истеъфога чиқарилганидан бери ишсиз ҳисобланади. Ўз вақтида Мареска Гвардиоланинг мураббийлар штабида фаолият юритган.
Хосеп Гвардиола 2016/2017 йилги мавсум бошидан буён «Манчестер Сити»ни бошқариб келмоқда. Испаниялик мутахассис қўл остида «шаҳарликлар» кўплаб совринларни қўлга киритишди, жумладан, олти марта Премьер-лига чемпионлиги ва бир бор Чемпионлар лигаси кубогига эга чиқишди.
