«Манчестер Сити» ва «Барселона» клубларининг собиқ ҳужумчиси, аргентиналик Серхио Агуэро оддий ҳаваскорлар турнирида жиддий жароҳат олди. Гап ахилл пайининг узилиши ҳақида бормоқда. Аргентиналик юлдуз майдонни ўз оёқлари билан тарк эта олмади — унга жамоадошларининг ёрдами керак бўлди. Энди 37 ёшли собиқ футболчи жарроҳлик столига ётишга мажбур.
Эслатиб ўтамиз, Агуэро 2021 йилда юрагидаги муаммолар аниқлангач, фаолиятини зудлик билан якунлашга мажбур бўлган эди. Унинг фаолиятидаги сўнгги клуб «Барселона» бўлиб қолди. Каталонияликлар сафида у атиги тўртта ўйинда майдонга тушиб, битта гол уришга улгурган эди.
