Жоан Гарсия илк бор Испания терма жамоаси сафида майдонга тушди. «Барселона»нинг 24 ёшли дарвозабони Мисрга қарши кечган ва голсиз дуранг билан якунланган ўртоқлик учрашувининг иккинчи бўлимида захирадан ўйинга қўшилди.

«Танаффус пайтида мендан чигал ёзди машқларини бошлашни сўрашди — ўша лаҳзада дебютим яқинлигини ҳис қилдим, лекин бунга тўлиқ ишониш учун майдонга тушиш керак эди. Таърифлаб бўлмас туйғулар. Терма жамоада ўйнаш — болаликдан бери орзу қилган нарсам эди ва мана, бу орзу амалга ошди. Мен бунинг учун йиллар давомида меҳнат қилдим ва ҳозир жуда фахрланаман», — дея Гарсиянинг сўзларини келтирмоқда Barca Universal.

Эътиборли жиҳати шундаки, дарвозабоннинг терма жамоадаги дебюти «Эспаньол» стадионида юз берди. Бу жамоа унинг қадрдон клуби ҳисобланиб, Гарсия ўтган йилнинг ёзида ашаддий рақиб — «Барселона» сафига ўтган эди.