"ПСЖ" ҳужумчиси Гонсалу Рамуш фаолиятини Англия чемпионатида давом эттириши мумкин. Журналист Экрем Конурнинг маълумотларига кўра, португалиялик футболчини ўз сафига қўшиб олишга "Манчестер Юнайтед" жиддий қизиқиш билдирмоқда.
"Қизил иблислар" аллақачон ҳужумчининг вакиллари билан боғланишган. Футболчи кўпроқ ўйин амалиётига эга бўлиш учун Париж клубини тарк этишга тайёр.
Эслатиб ўтамиз, Гонсалу Рамуш 2024 йилда "Бенфика"дан "ПСЖ"га 65 миллион евро эвазига ўтган эди. Унинг амалдаги шартномаси 2028 йил 30 июнга қадар мўлжалланган. Жорий мавсумда португалиялик ҳужумчи парижликлар сафида барча мусобақаларда 38 та ўйинда майдонга тушиб, 11 та гол урди ва 2 та голли узатмани амалга оширди.
