Англия терма жамоаси бош мураббийи Томас Тухель 2026 йилги Жаҳон чемпионати учун жамоа таркибидан ҳеч кимга, жумладан, Фил Фоденга ҳам жой кафолатланмаганини маълум қилди.
Мураббий журналистларнинг «Манчестер Сити» футболчисининг ўйини ҳақидаги тегишли саволига шундай жавоб берди.
«Бу унга таркибдан жой автоматик тарзда кафолатланганини англатмайди. Мен у бизни ҳайрон қолдиришини ҳамда худди шундай иштиёқ ва ғайрат билан ҳаракат қилишини кутгандим, аммо ҳозирча у ўз имкониятларини тўлиқ намоён эта олмаяпти», — дея Тухелнинг сўзларини келтиради BBC.
Эслатиб ўтамиз, куни кеча Англия терма жамоаси ўртоқлик учрашувида Японияга 0:1 ҳисобида имкониятни бой берди.
Жаҳон чемпионатида инглизлар Хорватия, Гана ва Панама терма жамоалари билан бир гуруҳдан жой олишган.
