Лондоннинг «Арсенал» клуби собиқ футболчиси Пол Мерсон «Челси»нинг Англия Премьер-лигаси жорий мавсумидаги иштироки борасида ўз фикрлари билан ўртоқлашди.
«Агар «Челси» Чемпионлар лигасига йўлланма ололмаса, муаммолар юзага келади. Футболчилар жамоадан кетишни истаб қолишади. Улар Чемпионлар лигасида ўйнашни хоҳлашади. Улар топ-клуб шарафини ҳимоя қилишни исташади. Шу сабабли «Челси» учун АПЛнинг қолган сўнгги еттита ўйини жуда муҳим. Бу жараён ўз майдонида «Манчестер Сити»га қарши ўтадиган қийин учрашувдан бошланади», — деди Мерсон Sky Sportsга берган интервьюсида.
Ҳозирда «Челси» Англия чемпионати турнир жадвалида 31 турдан сўнг 48 очко жамғарган ҳолда олтинчи ўринни эгаллаб турибди.
