«Реал» юлдузи Жуд Беллингем Ла Лига ва Чемпионлар Лигасининг энг муҳим палласида асосий таркибдан четда қоладиган бўлди.
Diario AS нашри тарқатган маълумотларга кўра, Беллингем нафақат ички чемпионат доирасидаги «Мальорка»га қарши баҳсда, балки ЕЧЛ чорак финалидан ўрин олган «Бавария» билан дастлабки ўйинда ҳам асосий таркибда кўриниш бермайди.
22 ёшли ярим ҳимоячи яқиндагина сонидаги жароҳатидан сўнг «Атлетико»га қарши баҳсда майдонга қайтган эди. Бироқ тиббий кўриклар шуни кўрсатдики, Жуд ҳали 100 фоиз кучга киргани йўқ.
Бош мураббий Альваро Арбелоа футболчининг соғлиғи борасида таваккал қилишни истамаяпти. У Беллингем тўлиқ тикланмагунча уни асосий таркибга киритмасликка қарор қилган. Эътиборлиси, Беллингем терма жамоа йиғинига борган бўлса-да, бирорта ўйинда иштирок этмади.
Мюнхенликлар билан кечадиган муҳим баҳсда «қаймоқранглилар»нинг майдон маркази қуйидагича кўриниш олиши кутилмоқда:
-
Федерико Вальверде
-
Орельен Тчуамени
-
Тьяго Питарч
-
Арда Гюлер
