«Ньюкасл» ҳужумчиси Ник Вольтемаде жорий мавсумдаги қийинчиликлари ҳақида ўз фикрлари билан ўртоқлашди.

Германиялик футболчи кам гол ураётгани учун танқид қилинмоқда, бироқ форварднинг ўзи бу эътирозларни асоссиз деб ҳисоблайди.

«Менинг инқирозим ҳақида гапираётган одамлар, аниқки, ўйинларни томоша қилишмаяпти. Чунки ҳозирги ўйиним мавсум бошидагидан тубдан фарқ қилади. Масалан, «Челси»га қарши баҳсда деярли бутун вақтимни майдон марказида ўтказдим. Мен қайси зоналарда ҳаракат қилаётганимга эътибор қаратиш лозим. Дарвозадан 50-70 метр узоқликда ўйнаётган футболчидан доимий голлар талаб қилиш нотўғри», — деди 24 ёшли футболчи Süddeutsche Zeitung нашрига берган интервьюсида.

Эслатиб ўтамиз, «Ньюкасл» ўтган йилнинг ёзида Ник Вольтемадени «Штутгарт»дан 75 миллион евро эвазига сотиб олган эди. «Қарғалар» сафида ўтказган 45 та ўйинида у 10 та гол урди ва 5 та голли узатмани амалга оширди.