Италиянинг «Женоа» клуби украиналик ярим ҳимоячи Руслан Малиновский билан ҳамкорликни давом эттириш ниятида. Бу ҳақда Tuttosport нашри хабар бермоқда.

«Женоа» 32 ёшли плеймейкерни яқин мавсумларда жамоа ўйини шакллантириладиган асосий фигура сифатида кўрмоқда. Айнан шу сабабли клуб раҳбарияти унга янги икки йиллик шартнома тайёрламоқда. Малиновскийнинг итальян клуби билан амалдаги келишуви 2026 йилнинг ёзига қадар мўлжалланган.

Жорий мавсумда 32 ёшли футболчи «Женоа» сафида барча турнирларда 29 та ўйин ўтказиб, 5 та гол урди, 3 та голли узатма берди ва 9 та сариқ карточка олди. Унинг жамоаси 30 та ўйинда 33 очко жамғарган ҳолда турнир жадвалида 13-ўринни эгаллаб турибди.