«Пари Сен-Жермен» ўнг қанот ҳимоячиси Ашраф Ҳакимий жамоага янги келган вақтлари ва Лионель Месси билан бирга ўйнашнинг ўзига хос қийинчиликлари ҳақида эслади.
Марокашлик футболчи Париж гранди сафига 2021 йилнинг ёзида келиб қўшилган эди. Айнан ўша вақтда жамоага Лионель Месси ҳам келган.
"ПСЖ"даги биринчи мавсумим мен учун қийин кечган. Неймар ва Мбаппе билан бирга ўйнашимни билардим, лекин Мессининг келишидан хабарим йўқ эди. Табиийки, Лео келганидан кейин жамоанинг ўйин услуби ўзгарди — у олдинги чизиқда ўйнагани сабабли, менга аввалгидек эркин ҳужумга ўтишга рухсат берилмасди. Мен ҳимояда қолишга мажбур бўлардим ва ўзимни "кичик" ўйинчидек ҳис қилардим», — дея Ҳакимийнинг сўзларидан иқтибос келтирмоқда Франция ОАВлари.
Аргентиналик ҳужумчи 2023 йилда Париж билан хайрлашган — у эркин агент сифатида «Интер Майами» клубига ўтиб кетган эди.
