Дортмунднинг «Боруссия» клуби марказий ҳимоячиси Нико Шлоттербек ўз кучини Мадриднинг «Реал» клубида синаб кўрмоқчи.

26 ёшли футболчи «асаларилар» билан шартномасини узайтиришга яқин эди, бироқ яқин кунларда маълум бўлишича, музокаралар боши берк кўчага кириб қолган. Шу тариқа, германиялик марказий ҳимоячига даъвогарлик қилаётган клублар трансфер курашини қайта бошлашлари мумкин. Журналист Флориан Плеттенбергнинг хабар беришича, Шлоттербекнинг ўзи «Реал»га ўтишни афзал кўрмоқда — у «қироллик клуби» сафига қўшилишни орзу қилади. Агар футболчи меҳнат шартномасини узайтирмайдиган бўлса, «Боруссия» уни келаётган ёзда тахминан 30 миллион евро эвазига сотишга мажбур бўлади.

Transfermarkt экспертлари Нико Шлоттербекнинг бозор қийматини 55 миллион еврога баҳоламоқда.