"Бавария" бош мураббийи Венсан Компани Германия чемпионати доирасидаги "Фрайбург"га қарши бўладиган ўйин ҳақида ўз фикрлари билан ўртоқлашди.

"Бу жамоа жуда интенсив ўйнайди ва ўз уйида ҳаддан ташқари кучли. Уларда ўз кучига ишонадиган ва гол уришни биладиган футболчилар бор. Зич тақвимга қарамай, улар барқарорликни сақлаб қолишмоқда — ҳам еврокубокларда, ҳам Бундеслигада бир хил барқарор ўйнаш ҳаммага ҳам насиб этавермайди. Бу ўйин учун бизга катта куч ва энергия керак бўлади", — дея Компанининг сўзларини келтиради Bayern & Germany.

Германия чемпионатининг 28-туридан ўрин олган "Фрайбург" ва "Бавария" ўртасидаги учрашув 4 апрель куни бўлиб ўтади. Учрашув Тошкент вақти билан соат 18:30 да бошланиши белгиланган.