«Пари Сен-Жермен» ҳимоячиси Люка Эрнандес Чемпионлар лигаси доирасида «Ливерпуль»га қарши бўлиб ўтадиган баҳс олдидан ўз кутилмалари билан ўртоқлашди.
Чоршанба куни Луис Энрике шогирдлари ўз майдонларида 1/4 финалнинг дастлабки учрашувида «қизиллар»ни қабул қилишади. Жавоб ўйини эса 14 апрель куни Англияда бўлиб ўтади.
"Ливерпуль" билан ўйинни интиқлик билан кутяпмиз. Биз тайёрмиз ва ўз кучимизга ишонамиз. Барча футболчиларимиз ўзларини кўрсатишга интилишмоқда, бу жуда муҳим — жамоага ҳар бир ўйинчининг ҳиссаси зарур", — деди Эрнандес жума куни Лига 1 доирасида «Тулуза» устидан қозонилган ғалабадан (3:1) сўнг.
