«Челси» бош мураббийи Лиам Росеньор ўз шаънига билдирилаётган танқидлар ҳақида нима деб ўйлашини айтиб ўтди.
Сўнгги вақтларда инглиз мутахассиси қўл остидаги «кўклар» унчалик таъсирли натижалар қайд этмаяпти. Айни дамда жамоа Премьер-лига турнир жадвалида олтинчи ўринни эгаллаб турибди.
«Агар мен клубга келган вақтдан бошлаб қайд этилган натижаларни олсак, биз АПЛда тўртинчи ўриндамиз. Клуб атрофида шов-шувлар жуда кўп: одамлар жамоа инқирозда эканини, мен вазифамни уддалай олмаётганимни ва бемаъни гапларни гапираётганимни айтишмоқда. Мен бу гап-сўзларнинг барчасини эшитяпман», — дея Росеньорнинг сўзларини журналист Фабрицио Романо келтирмоқда.
Бугун лондонликлар ўз майдонларида Англия Кубоги 1/4 финали доирасида «Порт Вейл» жамоасини қабул қилишади.
