«Борнмут» ҳимоячиси Маркос Сенеси Англия чемпионатининг янада нуфузлироқ клубига ўтиши мумкин. Бу ҳақда Teamtalk журналистлари хабар бермоқда.
Манбага кўра, АПЛнинг ўтган мавсумдаги чемпиони — «Ливерпуль» футболчини ўз сафига қўшиб олишга қизиқиш билдирмоқда. Мерсисайдликлар Ибраима Конатенинг эҳтимолий кетиши ва Виржил ван Дейкнинг ёши анчага бориб қолгани сабабли марказий ҳимоя чизиғини кучайтириш ниятида.
Сенесининг трансфер қиймати 22 миллион еврога баҳоланмоқда. 28 ёшли аргентиналик футболчининг «олчалар» билан тузган меҳнат шартномаси 2026 йил июнь ойи охирида ўз ниҳоясига етади.
Жорий АПЛ мавсумида Маркос 30 та ўйинда майдонга тушиб, тўртта голли узатмани амалга оширди ва саккизта сариқ карточка олди.
