Италия А Сериясининг навбатдаги турида "Рома" турнир жадвали пешқадами – Миланнинг "Интер" жамоасидан йирик ҳисобда мағлуб бўлди (2:5). Миланликлар римликлар дарвозасига бешта гол уриб, ўз пешқадамлигини янада мустаҳкамлашди.
"Рома" учун бу мавсумдаги ўн биринчи мағлубият бўлди – бу пойтахт клуби учун 2013 йилдан бери қайд этилган энг ёмон кўрсаткичдир. 2012/2013 йилги мавсумда клуб ўн икки бор мағлубиятга учраган, ўшанда мавсум давомида бош мураббий лавозимида Зденек Земаннинг ўрнини Аурелио Андреаццоли эгаллаган эди.
Ўша мавсумни "Рома" турнир жадвалида олтинчи ўринда якунлаган эди – ҳозирда ҳам жамоа айнан шу поғонани эгаллаб турибди. Кейинги турда римликларда аламдан чиқиш учун яхши имконият бўлади – улар ўз майдонларида "Пиза"ни қабул қилишади.
