«Милан» марказий ҳимоячиси Маттео Габбия узоқ танаффусдан кейин умумий гуруҳдаги илк машғулотини ўтказди. Бу ҳақда Италия клуби матбуот хизмати ижтимоий тармоқларда хабар берди.
Эслатиб ўтамиз, 26 ёшли футболчи февраль ойидан бери майдонга тушмаётган эди — аввалига Габбия мушакларидаги жароҳатдан даволанди, кейин эса чов чуррасини олиб ташлаш бўйича операцияни бошдан кечирди.
Қайд этилишича, Габбия «россонерилар»нинг Серия А 32-тури доирасида 11 апрель куни «Удинезе»га қарши бўлиб ўтадиган баҳсида майдонга тушиши мумкин. Жорий мавсумда италиялик ҳимоячи барча турнирларда 25 та ўйинда иштирок этган бўлса-да, ҳозирча самарали ҳаракатлари билан ажралиб турмади.
