«Milan» markaziy himoyachisi Matteo Gabbiya uzoq tanaffusdan keyin umumiy guruhdagi ilk mashg‘ulotini o‘tkazdi. Bu haqda Italiya klubi matbuot xizmati ijtimoiy tarmoqlarda xabar berdi.
Eslatib o‘tamiz, 26 yoshli futbolchi fevral oyidan beri maydonga tushmayotgan edi — avvaliga Gabbiya mushaklaridagi jarohatdan davolandi, keyin esa chov churrasini olib tashlash bo‘yicha operasiyani boshdan kechirdi.
Qayd etilishicha, Gabbiya «rossonerilar»ning Seriya A 32-turi doirasida 11 aprel kuni «Udineze»ga qarshi bo‘lib o‘tadigan bahsida maydonga tushishi mumkin. Joriy mavsumda italiyalik himoyachi barcha turnirlarda 25 ta o‘yinda ishtirok etgan bo‘lsa-da, hozircha samarali harakatlari bilan ajralib turmadi.
