«ПСЖ» ҳимоячиси Ашраф Ҳакимий Чемпионлар лигаси чорак финалининг илк баҳсида «Ливерпуль» устидан қозонилган ғалабадан сўнг ўз фикрлари билан ўртоқлашди. Парижликлар ўз уйларида 2:0 ҳисобида зафар қучишди. Ҳакимий ҳам «ПСЖ»нинг бошқа кўплаб вакиллари каби вазиятлардан фойдаланиш даражаси ҳақида тўхталиб ўтди.
«Менимча, бизда бошқа аниқ вазиятлар ҳам бўлган эди, кўпроқ гол уришимиз мумкин эди. Биз ўз хатоларимиз билан «Ливерпуль»ни ўйинда қолдирдик (фарқни йирик қилиш имкониятидан фойдаланмадик). Шунга қарамай, кўрсатган ўйинимиздан мамнунмиз. Кейинги баҳсларда ҳам шу стратегияга амал қилмоқчимиз.
Берилмаган пенальтилар? Мен ҳали такрорий лавҳаларни кўрмадим. Майдонда бу пенальтидек туюлади, лекин агар ҳакам бошқача қарор қабул қилган бўлса, биз унинг қарорларини ҳурмат қилишимиз керак», — деди Ҳакими Canal+ телеканалига.
