"ПСЖ" устози Луис Энрике Чемпионлар лигаси чорак финалининг дастлабки учрашувидан сўнг "Ливерпуль" бош мураббийи Арне Слот ҳақида ўз фикрларини билдирди.

Парижликлар ўз майдонларида "қизиллар" устидан ғалаба қозонишди – 2:0.

"Мен Арне Слотнинг ажойиб мураббий эканини биламан. Менимча, бу унинг қўл остидаги "Ливерпуль" бешта ҳимоячи билан ўйнаган илк ҳолат бўлди, аммо биз рақиблар бизга қарши ўйин схемасини ўзгартиришига ўрганиб қолганмиз. "Ливерпуль"да кўплаб кучли футболчилар бор, жамоа жисмоний жиҳатдан жуда бақувват. Слотга қарши баҳс олиб бориш доимо ёқимли, чунки у ҳужумкор футболга урғу беришга ҳаракат қилади", – деди Энрике матбуот анжуманида.