"Барселона" марказий ҳимоячиси Рональд Араухо Чемпионлар лигаси 1/4 финали доирасида Мадриднинг "Атлетико" жамоасидан учралган мағлубият (0:2) ҳақидаги фикрлари билан ўртоқлашди.

Пау Кубарси 44-дақиқада майдондан четлатилди, 45-дақиқада эса Хулиан Альварес жарима зарбасини голга айлантирди. 70-дақиқада Александр Сёрлот каталонияликлар дарвозасига иккинчи тўпни киритди.

"Қизил карточка ўз таъсирини кўрсатди, аммо бир киши кам бўлиб қолган бўлсак-да, муносиб курашганимизни таъкидлаш жоиз. Рэшфордда ажойиб имкониятлар бўлди. Эҳтимол, агар битта гол урганимизда ҳаммаси бошқача кечиши мумкин эди, лекин ўзимизни айблайдиган нарса йўқ. Биз бор кучимизни бердик", – деди Араухо интервьюда.