Мадриднинг «Атлетико» жамоаси ҳужумкор ярим ҳимоячиси Адемола Лукман УЕФА Чемпионлар лигаси чорак финалининг илк баҳсида Каталониянинг «Барселона» клуби устидан қозонилган сафардаги ғалабадан (2:0) сўнг ўз муносабатини билдирди.
«Ажойиб натижа ва яхши ўйин кўрсатдик. Ушбу стадионда гол ўтказиб юбормаслик — жуда яхши. Биз катта ҳажмдаги ишни амалга оширганимизни кўрсатдик. Альвареснинг голини алоҳида таъкидламоқчиман. Бу ажойиб зарба бўлди.
Мадридда бизни жиддий синов кутмоқда. Жавоб ўйинига совуққонлик билан ёндашишимиз лозим», — дея футболчининг сўзларини келтирмоқда УЕФА матбуот хизмати.
