Аргентиналик футболчи Кристиан Ромеронинг отаси ўғлининг «Тоттенхэм»дан кетиши мумкинлигини тасдиқлади, бироқ ўйинчининг хизматларига даъвогар бўлган томон жуда юқори товон пулига дуч келишини ҳам таъкидлади.
«Унинг клуб билан яна икки йиллик шартномаси бор, шунингдек, товон пули миқдори жуда юқори эканлигини қайд этиш лозим», — дея тушунтириш берди Виктор Ромеро Cadena 3 нашрига берган интервьюсида.
Гап 50 миллиондан 70 миллион АҚШ долларигача баҳоланаётган сумма ҳақида кетмоқда. «Шпорлар»нинг ўзлари эса ушбу футболчи учун Италиянинг «Аталанта» клубига камида 40 миллион фунт стерлинг тўлашган.
Ҳозирда Лондон клуби Англия Премьер-лигаси турнир жадвалида бор-йўғи 17-ўринни эгаллаб турибди.
