«Барселона» Чемпионлар лигасининг муҳим ўйинида навбатдаги бор бир киши кам бўлиб қолди.

Бу галги ҳолат «Атлетико Мадрид»га қарши чорак финал баҳсида юз берди: Пау Кубарси 44-дақиқада тўғридан-тўғри қизил карточка олди ва ўн киши бўлиб қолган каталонияликлар рақибга қаршилик кўрсата олишмади — 0:2 ҳисобидаги мағлубият қайд этилди.

Mundo Deportivo нашрининг маълумотларига кўра, охирги ўнта мавсум давомида «Барселона» футболчилари Чемпионлар лигаси баҳсларида 12 марта майдондан четлатилган — бу ушбу давр мобайнида турнирдаги энг юқори кўрсаткичдир. Иккинчи ўринда саккизта қизил карточка билан «Бавария» бормоқда.

Ханс-Дитер Флик жамоасининг «матрасчилар»га қарши жавоб баҳси келаси сешанба, 14 апрель куни бўлиб ўтади.