«Манчестер Юнайтед» ҳимоячиси Харри Магуайр навбатдаги трансфер ойнасида жамоа таркиби кучайишини кутмоқда.
«Бу ёз катта, жуда катта бўлади. Бизга кўпроқ ўйинчилар, бизга кўпроқ сифат керак. Асосий таркибни кучайтира оладиган футболчиларга эҳтиёжимиз бор», — дея Магуайрнинг сўзларини келтирмоқда The Athletic.
Футболчининг қайд этишича, янги мураббий қўл остида «Манчестер Юнайтед» сўнгги ойларда яхши натижалар кўрсатмоқда. Унинг фикрича, «қизил иблислар» кучли жамоага айланиб бормоқда.
31-турдан сўнг «Манчестер Юнайтед» 55 очко билан Англия Премьер-лигаси турнир жадвалида учинчи ўринни эгаллаб турибди.
