«Manchester Yunayted» himoyachisi Xarri Maguayr navbatdagi transfer oynasida jamoa tarkibi kuchayishini kutmoqda.

«Bu yoz katta, juda katta bo‘ladi. Bizga ko‘proq o‘yinchilar, bizga ko‘proq sifat kerak. Asosiy tarkibni kuchaytira oladigan futbolchilarga ehtiyojimiz bor», — deya Maguayrning so‘zlarini keltirmoqda The Athletic.

Futbolchining qayd etishicha, yangi murabbiy qo‘l ostida «Manchester Yunayted» so‘nggi oylarda yaxshi natijalar ko‘rsatmoqda. Uning fikricha, «qizil iblislar» kuchli jamoaga aylanib bormoqda.

31-turdan so‘ng «Manchester Yunayted» 55 ochko bilan Angliya Premyer-ligasi turnir jadvalida uchinchi o‘rinni egallab turibdi.