«Бавария» бош мураббийи Венсан Компани Германия чемпионати доирасидаги «Санкт-Паули»га қарши бўлажак ўйинда дарвозани ким қўриқлаши борасидаги саволга жавоб берди.

«Мадриддаги ўйиндан кейин тикланиш учун вақтимиз кам бўлди. Бу масалани бугун муҳокама қиламиз ва бир қарорга келамиз. Агар Ману ҳеч қандай муаммо сезмаётганини айтса, у майдонга тушади. Дарвозабон учун ўйин ритмини сақлаб қолиш жуда муҳим», — дея Компанининг сўзларини «Bayern & Germany» нашри келтирмоқда.

Эслатиб ўтамиз, 40 ёшли Нойер аввалроқ жароҳати сабабли бир нечта ўйинни ўтказиб юборган эди, бироқ охирги иккита баҳсда у асосий таркибда майдонга тушди. Умумий ҳисобда, Нойер жорий мавсумда барча турнирларда 31 та ўйинда иштирок этиб, 30 та гол ўтказиб юборди ва 10 та учрашувда ўз дарвозаси дахлсизлигини сақлаб қолди.