«Ливерпуль» дарвозабони Алиссон Бекер фаолиятини Италияда давом эттириши мумкин. Бу ҳақда Gazzetta dello Sport нашри журналистлари хабар бермоқда.
Манбанинг келтиришича, 33 ёшли посбонни ўз сафига қўшиб олишга Туриннинг «Ювентус» клуби жиддий қизиқиш билдирмоқда. Алиссоннинг ўзи ҳам келаётган ёзда «кекса синьора» сафига ўтишга тайёр.
Италия гранди раҳбарияти бразилиялик дарвозабонга уч йиллик шартнома таклиф қилишни режалаштирган. Алиссон учун А Серия бегона эмас, у аввалроқ Римнинг «Рома» жамоасида муваффақиятли тўп сурган.
Посбоннинг мерсисайдликлар билан амалдаги келишуви келаси йилнинг ёзида ниҳоясига этади. Transfermarkt Алиссоннинг бозор қийматини ҳозирда 17 миллион еврога баҳоламоқда.
