«Liverpul» darvozaboni Alisson Beker faoliyatini Italiyada davom ettirishi mumkin. Bu haqda Gazzetta dello Sport nashri jurnalistlari xabar bermoqda.
Manbaning keltirishicha, 33 yoshli posbonni o‘z safiga qo‘shib olishga Turinning «Yuventus» klubi jiddiy qiziqish bildirmoqda. Alissonning o‘zi ham kelayotgan yozda «keksa sinyora» safiga o‘tishga tayyor.
Italiya grandi rahbariyati braziliyalik darvozabonga uch yillik shartnoma taklif qilishni rejalashtirgan. Alisson uchun A Seriya begona emas, u avvalroq Rimning «Roma» jamoasida muvaffaqiyatli to‘p surgan.
Posbonning mersisaydliklar bilan amaldagi kelishuvi kelasi yilning yozida nihoyasiga etadi. Transfermarkt Alissonning bozor qiymatini hozirda 17 million yevroga baholamoqda.
