«Ливерпуль» сардори ва ҳимоячиси Вирджил ван Дейк Муҳаммад Салоҳ ҳамда Эндрю Робертсоннинг жорий мавсум якунида инглиз жамоасини тарк этиш қарорига муносабат билдирди.
«Тўққиз йил... бу шунчаки бир фасл эмас, бу бутун бир давр. Шу вақт ичида бошимиздан кечирган барча воқеалар ҳақида ўйлаганингда, бу шунчаки ақл бовар қилмас даражада эканини тушунасан. Биз ҳар қандай яхши нарсанинг ниҳояси борлигини биламиз...
Юксалиш лаҳзаларида, босим остида, муҳим дақиқалар ва байрамларда сиз ҳар бир қадамда ёнимизда бўлдингиз. Биз биргаликда ҳамма нарсада ғолиб чиқдик. Бироқ совринлардан ҳам кўра кўпроқ хотиралар, майдондаги жанглар ва бу йўлдаги қувончли дамларни эслаймиз. Биз катта ғалабалар ва оғир мағлубиятларни биргаликда енгиб ўтдик. Нима бўлишидан қатъи назар, ҳуштак чалинганда бир-биримизга таянишимиз мумкинлигини билардик. Сизлар шунчаки жамоадош эмас, балки етакчилар, ака-укалар ва энг муҳим пайтларда суяниш мумкин бўлган инсонлар бўлдингиз.
Шунинг учун ҳам қилган меҳнатларингиз, садоқатингиз, кулгингиз ва хотиралар учун иккингизга ҳам раҳмат. Бизга ҳамма нарсани ютишда ёрдам берганингиз ва бу йўлни янада гўзал қилганингиз учун ташаккур. Сизлар жамоадош сифатида келдингиз, афсона сифатида кетмоқдасиз ва энг муҳими — сиз оиламизнинг бир аъзоси сифатида кетяпсиз», — деб ёзди ван Дейк ўзининг ижтимоий тармоқдаги саҳифасида.
Салоҳ ва Робертсон 2017 йилдан бери «Ливерпуль» шарафини ҳимоя қилиб келмоқда. Ушбу давр мобайнида 33 ёшли ҳужумчи барча мусобақаларда 436 та ўйинда иштирок этиб, 255 та гол ва 122 та голли узатмага муаллифлик қилди. Ҳимоячи эса 373 та учрашувда майдонга тушиб, «гол+пас» тизимида 13+69 очко жамғарди.
