«Барселона» бош мураббийи Ханс-Дитер Флик клуб учун асосий устувор вазифа Чемпионлар лигасидаги ғалаба эканини таъкидлади.

Каталонияликлар ЕЧЛ 1/4 финалининг дастлабки учрашувида «Атлетико»га имкониятни бой беришди (0:2). Жавоб ўйини 14 апрель куни Мадридда бўлиб ўтади.

«Албатта, Ла Лига бизга Чемпионлар лигасида ўйнаш имконини берадиган турнирдир, бироқ ҳар бир мураббий, футболчи ва мухлиснинг орзуси — Чемпионлар лигасида зафар қучиш ва биз айнан шу мақсад йўлида шу ердамиз.

Чемпионатда ўз ишимизни бажаришимиз керак, лекин энг асосийси — Чемпионлар лигасида ғолиб бўлиш. Бу ҳам ўйинчиларнинг, ҳам клубнинг бош мақсадидир», — деди Флик.

Испания чемпионатида «Барса» турнир жадвалида пешқадамлик қилмоқда ва «Реал»дан 7 очко олдинда бормоқда.