«Интер» ҳужумчиси Лаутаро Мартинес яна жароҳат туфайли лазаретга йўл олди. Милан клуби аргентиналик футболчининг жароҳати ҳақида хабар берган бўлса-да, унинг тахминий тикланиш муддатлари бўйича маълумот тақдим этмаган эди.
Журналист Николо Скиранинг ижтимоий тармоқларда хабар беришича, Мартинеснинг тикланиши учун тахминан 15-20 кун вақт керак бўлади. Бу «Интер» сардори бир нечта ўйинни ўтказиб юборишини ва сафга ойнинг охирида қайтишини англатади.
«Интер» ўзининг навбатдаги ўйинини якшанба куни, 12 апрель куни сафарда «Комо»га қарши ўтказади.
Эслатиб ўтамиз, А Сериянинг ўтган турида Мартинес «Рома»га қарши баҳсда дубль қайд этган эди. Ўша ўйингача Лаутаро жароҳати сабабли қарийб бир ярим ойни ўтказиб юборганди.
