«АЗ Алкмар»нинг 20 ёшли иқтидорли ярим ҳимоячиси Кес Смит Мадриднинг «Реал» ва «Барселона» клублари эътиборига тушди. Бу ҳақда Caught Offside нашри хабар тарқатмоқда.
Манбага кўра, нидерландиялик футболчининг ўйинини нафақат Испания грандлари, балки Англиянинг «Ньюкасл Юнайтед», «Манчестер Юнайтед», «Арсенал» ва «Ливерпуль» клублари ҳам кузатиб бормоқда. «АЗ Алкмар» ўз тарбияланувчисини 45–50 миллион еврога баҳоламоқда.
Жорий мавсумда Кес Смит барча турнирларда 42 та ўйинда майдонга тушиб, 4 та гол урди ва 8 та голли узатмани амалга оширди. Унинг клуб билан амалдаги шартномаси 2028 йилнинг ёзигача мўлжалланган. Transfermarkt портали футболчининг бозор қийматини 25 миллион евро этиб белгилаган.
Қайд этилишича, Смитнинг ўзи Испания Ла Лигасида ўйнашга иштиёқи баланд ва ёшлигида Иньеста ҳамда Мессининг ўйинларини кузатиб, «Барселона»га мухлислик қилганини яширмаган.
