«Ливерпуль» юлдузи Муҳаммад Салоҳ жорий мавсум якунланганидан сўнг мерсисайдликлар сафини тарк этади. Матбуотда африкалик футболчи фаолиятини Мюнхеннинг «Бавария» клубида давом эттириши мумкинлиги ҳақида миш-мишлар тарқалди.
Журналист Кристиан Фальк ушбу маълумотга муносабат билдирди.
«Эберль Салоҳ трансфери мюнхенликлар клубида муҳокама қилинмаётганини очиқ-ойдин тушунтириб берди. Буларнинг барчаси ёлғон», — дея инсайдернинг сўзларини келтирмоқда Teamtalk.
Эслатиб ўтамиз, Салоҳ 2017 йилнинг ёзидан буён «Ливерпуль» шарафини ҳимоя қилиб келмоқда. Унинг бозор қиймати 30 миллион еврога баҳоланган.
Премьер-лиганинг жорий мавсумида Муҳаммад 22 та учрашувда майдонга тушиб, 5 та гол ва 6 та голли узатмани ўз ҳисобига ёздириб қўйди.
