«Монако» бош мураббийи Себастьен Поконьоли Франция Лига 1 мусобақасининг 29-тури доирасида «Париж» жамоасидан қабул қилиб олинган мағлубиятга муносабат билдирди.
Монегасклар меҳмонда 1:4 ҳисобида тор-мор этилди. Меҳмонлар учта голни дастлабки 20 дақиқа ичида ўтказиб юборишди.
«Бунчалик қисқа вақт ичида кўп гол ўтказиб юбориш, шубҳасиз, психологик тайёргарликнинг етишмаслиги билан боғлиқ. Буни футболчиларга ҳафта давомида такрорладим, аммо кўриниб турибдики, айнан шу соҳада хатога йўл қўйганмиз», — дея мутахассиснинг сўзларини келтирмоқда «Монако» матбуот хизмати.
