Ёзда "Ливерпуль"ни тарк этадиган ҳимоячи Эндрю Робертсон Англия чемпионатида қолиши мумкин.
Инсайдер Фабрицио Романонинг ёзишича, футболчи "Тоттенхэм" билан шартнома борасида оғзаки келишувга эришган. Қайд этилишича, томонлар келишувнинг барча шартларини келишиб олишган. Бироқ Робертсоннинг ўзи якуний қарорни фақат Лондон клуби АПЛда ўз ўрнини сақлаб қолиши аниқ бўлганидан кейин қабул қилишни режалаштирмоқда.
Робертсон АПЛнинг жорий мавсумида 19 та ўйинда иштирок этди, аммо гол ёки голли узатма амалга оширишга муваффақ бўлмади. Чемпионлар лигасининг еттита учрашувида эса унинг ҳисобида битта гол ва битта голли узатма мавжуд.
