Лондоннинг "Челси" клуби ярим ҳимоячиси, аргентиналик Энцо Фернандес ёзги трансфер ойнасида жамоани тарк этиши мумкин. Бу ҳақда Diario AS нашри хабар бермоқда.
Манба берган маълумотларга кўра, агар "Челси" Чемпионлар лигаси йўлланмасини қўлга кирита олмаса, ёзда 25 ёшли Фернандесни сотувга қўйиши мумкин.
Ҳозирги вақтда хавбекнинг ҳаракатларини "ПСЖ" ва Мадриднинг "Реал" клублари диққат билан кузатиб боришмоқда. Жорий мавсумда Фернандес барча турнирларда 46 та учрашувда майдонга тушиб, 12 та гол урди ва ўз ҳисобига олтита голли узатмани ёздириб қўйди.
Transfermarkt мутахассислари Фернандеснинг бозор қийматини 90 миллион еврога баҳоламоқда.
