Орадан 54 йил ўтиб, Бундеслигада голлар сони бўйича янги рекорд ўрнатилди — 2025/2026 йилги мавсумдаги «Бавария» ҳозиргача 105 та гол уриб, ўзининг 1971/1972 йилги мавсумдаги натижасини (101 та гол) яхшилади.
Рекордни янгилаган 102-гол муаллифи «Бавария» ярим ҳимоячиси Леон Горецка бўлди. Ўйиндан сўнг мюнхенликлар бош мураббийи Венсан Компани айнан Горецка тарихий голни ургани ҳақида ўз фикрларини билдирди.
«Ушбу рекордни янгилаб, уни ҳужумчиларимиздан тортиб олгани Горецка учун хос бўлган ҳолат, чунки у доим ўзига ишонади. У мен учун ёш футболчиларга ажойиб ўрнакдир», — деди Компани ўйиндан кейинги интервьюсида.
«Бавария» навбатдаги учрашувини 15 апрель куни ўз майдонида Чемпионлар лигаси доирасида «Реал»га қарши ўтказади.
