Шанба куни Лондоннинг «Арсенал» клуби Премьер-лиганинг ўз майдонида кечган баҳсида «Борнмут»дан кутилмаган мағлубиятга учради (1:2).
Журналистлар «канонирлар» бош мураббийи Микель Артетадан тиғиз тақвим туфайли юзага келаётган чарчоқ жамоа ўйинига таъсир қиляптими ёки йўқми, деб сўрашди.
«Мен бундай баҳоналарга таянишни истамайман. Биз анчадан бери ҳар уч кунда ўйин ўтказяпмиз ва бизда бошқа танлов йўқ — шу маромда давом этишимиз керак. Буни қабул қилишимиз ва олдимизда очилаётган имкониятлардан завқ олишимиз лозим», — деди Артета матбуот анжуманида.
