«Манчестер Юнайтед» ярим ҳимоячиси Мануэль Угарте келаётган ёзда Италиянинг топ-клубларидан бирига ўтиши мумкин.

Уругвайлик футболчи «қизил иблислар»нинг асосий таркибида тез-тез кўриниш бермаётгани сабабли фаолиятида ўзгариш қилиш имкониятларини кўриб чиқмоқда. Журналист Николо Скиранинг маълумотларига кўра, агент Жорже Мендеш ярим ҳимоячи хизматларини «Ювентус», «Милан» ва «Наполи» клубларига таклиф қилган. Таъкидланишича, туринликлар скаутлари 25 ёшли ўйинчининг терма жамоадаги яқинда бўлиб ўтган ўйинларидан бирини бевосита кузатишган. Неаполликларнинг устунлиги эса «Юнайтед» раҳбарияти билан яхши алоқаларга эга эканлигида бўлиши мумкин.

Transfermarkt портали баҳосига кўра, Мануэль Угартенинг бозор қиймати 30 миллион еврони ташкил этади.