Мадриднинг «Атлетико» клуби бош мураббийи Диего Симеоне жамоасининг «Севилья»га қарши ўйиндаги (1:2) муваффақиятсизлигига изоҳ берди.
Аргентиналик мутахассис асосий таркиб етакчиларининг кўпчилигига дам беришга қарор қилиб, майдонга экспериментал таркибни туширди. Лигада қолиш учун курашаётган рақиб эса «матрасчилар»ни жазолади ва уч очкони қўлга киритди.
Аллақачон сешанба куни Чемпионлар лигаси 1/4 финали доирасида «Атлетико» ва «Барселона» ўртасидаги жавоб учрашуви бўлиб ўтади. Биринчи ўйин мадридликларнинг 2:0 ҳисобидаги ғалабаси билан якунланган эди.
«Сешанба кунги ўйин ҳақида ўйлаганимиз учун ютқаздикми? Йўқ, йўқ. Биз «Севилья» вазиятлардан фойдаланишда совуққонроқ бўлгани учун мағлуб бўлдик. Бизнинг режамиз бор, у ҳар доим ҳам иш беравермаслиги мумкин, лекин мен ундан воз кечмайман», — деди Симеоне матбуот анжуманида.
