«Бавария» фахрий президенти лавозимида фаолият юритаётган Ули Хёнесс Мюнхен клубининг навбатдаги ютуғига изоҳ берди. Яқинда «Бавария» бир мавсумда урилган голлар сони бўйича Германия чемпионати рекордини янгилади. Жорий мавсумнинг 29 та ўйинида мюнхенликлар рақиблар дарвозасини 105 марта ишғол қилишди.

«Орадан шунча ўн йилликлар ўтиб, бу жамоа бизнинг 101 та голдан иборат рекордимизни янгилагани кўп нарсадан далолат беради. Менга энг ёқадиган жиҳати шундаки, бу ўйинчилар тўхтаб қолишмаяпти — улар тўртинчи ёки бешинчи голдан кейин ҳам ўйнашда давом этишмоқда», — дея Хёнесснинг сўзларини келтирмоқда клуб матбуот хизмати.

Айни дамда Венсан Компани шогирдлари Бундеслига турнир жадвалида 76 очко билан катта фарқ эвазига пешқадамлик қилмоқда.